Cilt 1 sayfa 97

Vankulu Lugati cilt 1 sayfa 97


منه ندامة ای وجدت فی عاقبة ندامة
العقبی:عينك ضمی وقافك سكونیله والفك قصریله بر نسنه نك

جزاسنه ديرلر
العقاب: عينك ضمیله يرتجی قوشلردن طوشنجل ديدكلری قوش الاعقب همزه نك فتحی

وقافك ضمیله جمع قلتی در عقاب مؤنث سماعی اولمغین جمع قلتی بو وزن اوزره كلمشدر زیرا افعل صیغه سی

مؤنثه مختص در
العقنباة والعبنقاة والبعنقاة: عينك وقافك فتحیله جمله سی بروزن اوزره قلب حروف

اوزره كسكن طرنقلو ديمكدر يقال عقاب عقنباة وعبنقات وبعنقاة وسنجاغك علمنه دخی عقاب دیرلر

وعقاب قویی دبنده اولان شول طاشه ده ديرلركه قيودبنه اينن عوغه پاره‌لر وطاغ كنارنده اولان بوجه

قيايه دخی ديرلركه نردبان كبی اوله
العقرب: معروف جانورك اسمی در وكووكده اولان بر وجك بر ينك دخی

اسمیدر جمعی
العقارب: كلور عينك فتحی ورانك كسريله وعقرب مؤنث سماعی در وانوك انثاسنده عقربة

وعقرباء ديرلر ممد ودا غير منصر فدر ومذكرنه
العقربان: ديرلر عينك ضمیله وعقربان بر جانوره اطلاق

اولنوركه انوك اوزون ايقلری واردر وقوير وغی عقرب قويرغی كبی دكلدر المعقرب میمك ضمی وعينك‌

فتحی ورانك كسريله عقربلو ير ديمكدر يقال مكان معقرب ای‌ذوعقاب وارض معقربة لامعقرة میمك فتحی

وعينك سكونی وقافك فتحیله كیر وعقربلو ير دیمك اولور كوياكه عقرب لفظی ثلاثيه رداولنوب اندن

اسم مكان صيغه سی بنا اولنمشدر المعقرب میمك ضمی ورانك فتحیله اكلمش دیمك اولور يقال صدغ معقرب

ای معطوف
عكابه: عينك ضمی ایله بر قبیله‌نك باباسی اديدر
العكاب: كذلك عينك ضمیله توتن دخان

معناسنه
العكوب: ازدحان يقال للابل عكوب علی الحوض ای مزاحمة
العاكب: جماعت كثيره العكوب عينك

فتحیٖله توزغبار معناسنه
العنكبوت: عينك فتحی ونونك سكونی وبانك ضمیله اورومجك ناسجه معناسنه

وغالب بودركه مؤنث استعمال اولنور
العناكیب: عينك فتحی وكافك كسریله جمعی كلور
العنكبات: عينك

فتحیله كذلك عنكبوت معناسنه در العكب عينك كسری وكافك فتحی وبانك تشديله فرموده وقصه

بويلو اولان كمسنه وبر كمسنه نك اديدركه نعمان بن منذرك‌زند انجسی ايدی
العلب: عينك فتحی ولامك

سكونیله بر نسنه نك نشانی كه بريرده باقی قلور مثلا دوه‌نك جسمنده قولن يری وايب يری كبی وعلب

قلجك قبضه سنه دوه سيكری صارمق يقال علبت السيف اعلبه علبا من الباب الاول اذا خزمت قائمه

بعلباء البعير وحزم حاء مهمله‌وزای معجمه ایله بغلمغه وصرمغه ديرلر وعلب ات پكيوب قوی اولمغه ديرلر

يقال علب اللحم ونبات غليظ اولمغه‌دخی ديرلر يقال علبت النبات ای جسأ يعنی بكيوب قوريمغه بشلسه

ياخود قالنالنسه بويله ديرلر وكل منهما من الباب الاول والرابع
‌العلوب: ضمتينله وعلب علامت ايتمكه ده

ديرلر يقال علبته اعبه من الباب الاول اذا وسمته اوخد شته يعنی قچن بر نسنه يه علامت ايتسك

ياخود طرمليوب نشان ايتسك التعليب بمعناه يقال علبته اذا اثرت فيه
العلب: فتحتينله مكان غلیظ

ودوه‌نك بوينی سكير نوك ايكی جانبنده مرض جاصل اولمغه دخی علب ديرلر يقال علب البعير من الباب

الرابع
المعلوب: میمك فتحی ولامك ضمیله واسع يول كه ايقلنمش محلم اولمش اوله ومعلوب حارث ظالمك قلجنك

اسمیدر
العلباء: عينك كسريله والفك مدیله ادمك وغيرنك بيوننده اولان سكیركه ات يلسی انوك ايكیسی

بيننده بتر يقال هما علبا وان واكر ديلرسك علبا ان ديرسن زيرا علبانك همزه سی همزهء ملحقه دردیرلر

ديلرسك انی احمراءنك همزه سنه تشبيه ايدوب تثنيه سنده واوه قلب ايدرسن ديرلرسك كساءنك

همزه سنه تشبيه ايدوب حالیٖ اوزره قورسون وعلبا بررجلك اسمی در ويقال تشيخ علباء الرجل اذا اسن

يعنی بر كمسنه‌پير اولوب باشی وبوينی دترسه بويله ديرلركه علبا بوين سكيرنه ديرلر عصب العنق معناسنه



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64